ShipNet.ge წარმოადგენს საკურიერო ბიზნესის მართვის ციფრულ პლატფორმას, რომელიც კომპანიებს საშუალებას აძლევს ერთიან სისტემაში მართონ კურიერები, მერჩანტები და შეკვეთები.

წინამდებარე ვებგვერდსა და მასთან დაკავშირებულ მომსახურებებს მართავს შპს "ქლოუდტივი.ჯი" (საიდენტიფიკაციო კოდი: 446757563).

პლატფორმა ხელმისაწვდომია მხოლოდ იურიდიული პირებისთვის, ინდივიდუალური მეწარმეებისთვის და 18 წელს მიღწეული ფიზიკური პირებისთვის.

ShipNet.ge იტოვებს უფლებას ნებისმიერ დროს შეიტანოს ცვლილებები წინამდებარე პირობებში. ცვლილებები ძალაში შედის მათი გამოქვეყნებიდან 7 კალენდარული დღის შემდეგ.

წინამდებარე წესებსა და პირობებში გამოყენებულ ტერმინებს აქვთ შემდეგი მნიშვნელობა:

• „პლატფორმა“ – ShipNet.ge-ის ციფრული სისტემა, რომელიც გამოიყენება საკურიერო ბიზნესის სამართავად;
• „სერვისი“ – ShipNet.ge-ის მიერ მიწოდებული პროგრამული უზრუნველყოფა (SaaS), რომელიც უზრუნველყოფს საკურიერო ბიზნესის მართვის ფუნქციონალს;
• „მესამე მხარის სერვისი“ – ნებისმიერი გარე სერვისი ან პროგრამა (მათ შორის SMSoffice.ge), რომლის ინტეგრაციაც შესაძლებელია პლატფორმასთან და რომლის გამოყენება ხდება მომხმარებლის მიერ;
• „მომხმარებელი“ – ნებისმიერი იურიდიული პირი, ინდივიდუალური მეწარმე ან ფიზიკური პირი, რომელიც იყენებს პლატფორმას;
• „კომპანია“ – პლატფორმაზე რეგისტრირებული იურიდიული პირი ან ინდივიდუალური მეწარმე, რომელიც პლატფორმას იყენებს საკურიერო მომსახურების ორგანიზებისა და მართვის მიზნით;
• „ადმინისტრატორი (ადმინი)“ – კომპანიის მთავარი ანგარიში, რომელსაც აქვს სრული წვდომა და მართვის უფლება;
• „კურიერი“ – მომხმარებელი, რომელიც ასრულებს მიწოდების ოპერაციებს პლატფორმის მეშვეობით და რეგისტრირდება ან ემატება პლატფორმაში კომპანიის მიერ;
• „მერჩანტი“ – პირი ან კომპანია (მაღაზია ან სხვა სავაჭრო ობიექტი), რომელიც პლატფორმის საშუალებით ქმნის შეკვეთებს, წარმოადგენს კომპანიის მომხმარებელს და რეგისტრირდება ან ემატება პლატფორმაში კომპანიის მიერ;
• „შეკვეთა“ – პლატფორმაში რეგისტრირებული მიწოდების ან მომსახურების მოთხოვნა;
• „ტარიფი" – პლატფორმის გამოყენების საფასური Pay-per-Order მოდელით (საიტზე განსაზღვრული ფასი თითოეულ დამუშავებულ შეკვეთაზე), ფიქსირებული გამოწერის გარეშე;
• „მომხმარებლის მონაცემები“ – ნებისმიერი ინფორმაცია, რომელიც იტვირთება, ინახება ან მუშავდება პლატფორმაში მომხმარებლის მიერ (მათ შორის შეკვეთები, კლიენტების მონაცემები, ფინანსური ინფორმაცია და სხვა);
• „ანგარიში“ – მომხმარებლისთვის შექმნილი წვდომის საშუალება პლატფორმაში.

• რეგისტრაციისთვის აუცილებელია მოქმედი ელ-ფოსტა, ტელეფონის ნომერი და მინიმუმ 8 სიმბოლოსგან შემდგარი პაროლი;
• მომხმარებელი პასუხისმგებელია საკუთარი ანგარიშის კონფიდენციალურობაზე. პაროლის გაზიარება დაუშვებელია;
• თითოეული კომპანია ქმნის ერთ ადმინისტრატორის ანგარიშს, რომელიც პასუხისმგებელია სისტემაში დამატებული სხვა მომხმარებლების (კურიერები, მერჩანტები) ქმედებებზე;
• ყალბი ან არასწორი მონაცემებით რეგისტრაცია გამოიწვევს ანგარიშის დაბლოკვას.

პლატფორმის გამოყენებისას აკრძალულია:

• სხვა მომხმარებლების, კლიენტების ან მესამე პირების პერსონალური მონაცემების უნებართვოდ გამჟღავნება ან გაყიდვა;
• პლატფორმის ტექნიკურ სისტემებში შეღწევის, სკანირების ან მათი მუშაობის შეფერხების მცდელობა;
• სხვა კომპანიების ანგარიშებზე არასანქცირებული წვდომის მოპოვება;
• სპამის, ყალბი შეკვეთების ან არასწორი ინფორმაციის განთავსება სისტემაში;
• პლატფორმის გადაყიდვა ან გამოყენების უფლების გადაცემა (sublicensing) ShipNet.ge-ის წინასწარი წერილობითი თანხმობის გარეშე.

დამატებით:

• კომპანია სრულად და უპირობოდ პასუხისმგებელია მის მიერ პლატფორმაში დამატებული ან მოწვეული ყველა მომხმარებლის (მათ შორის კურიერებისა და მერჩანტების) ქმედებებზე, პლატფორმის გამოყენებაზე, ასევე ნებისმიერი ზიანის, დარღვევის ან კანონდარღვევის შედეგებზე.
• ShipNet.ge წარმოადგენს მხოლოდ ტექნიკურ პლატფორმას და არ მონაწილეობს მომხმარებლებს შორის დადებულ შეთანხმებებში, გადაზიდვებში ან ფინანსურ ურთიერთობებში.
• ShipNet.ge არ არის ჩართული მიწოდების პროცესში და არ არის პასუხისმგებელი ამანათის გადაზიდვაზე, დაკარგვაზე, დაზიანებაზე ან დაგვიანებაზე. აღნიშნულზე სრულ პასუხისმგებლობას იღებს შესაბამისი კომპანია.
• პლატფორმაში ასახული ფინანსური მონაცემები წარმოადგენს ინფორმაციულ მონაცემებს და ShipNet.ge არ არის პასუხისმგებელი ფინანსური ოპერაციების სისწორეზე, გადახდებზე ან მომხმარებლებს შორის ფინანსურ ვალდებულებებზე.
• ShipNet.ge არ არის პასუხისმგებელი პლატფორმის საშუალებით მომხმარებლებს შორის გაცვლილ შეტყობინებებზე, მათ შინაარსზე ან შედეგად წარმოშობილ ვალდებულებებზე.
• პლატფორმა შეიძლება იძლეოდეს მესამე მხარის სერვისებთან ინტეგრაციის შესაძლებლობას (მათ შორის SMSoffice.ge-ის გამოყენებით SMS შეტყობინებების გაგზავნა). აღნიშნული სერვისების გამოყენება ხდება მომხმარებლის პასუხისმგებლობით.
• ShipNet.ge არ არის პასუხისმგებელი მესამე მხარის სერვისების მუშაობაზე, ხელმისაწვდომობაზე, ტარიფებზე ან მათ მიერ გაწეულ მომსახურებაზე.
• მომხმარებელი ვალდებულია დაიცვას მესამე მხარის სერვისების გამოყენების წესები და მოქმედი კანონმდებლობა.

• ShipNet.ge-ის გამოყენება ხდება ბალანსის სისტემით — კომპანია წინასწარ ავსებს ბალანსს;
• ყოველ დამუშავებულ შეკვეთაზე ბალანსიდან ავტომატურად ჩამოიჭრება პლატფორმის მიერ დადგენილი ტარიფი;
• ბალანსის შევსება ხდება საბანკო გადარიცხვით ან ბარათით;
• გადახდის დადასტურების შემდეგ ბალანსი ავტომატურად ემატება;
• ბალანსის ნულამდე დაცემის შემთხვევაში კომპანიას შეტყობინება გაეგზავნება შევსების მოთხოვნით; ანგარიში ავტომატურად ჩერდება სანამ ბალანსი არ შეივსება;
• ახლად დარეგისტრირებულ კომპანიებს ეძლევათ უფასო 15-დღიანი საცდელი პერიოდი.
• მომხმარებელს უფლება აქვს მოითხოვოს გამოუყენებელი ბალანსის სრული დაბრუნება — მოთხოვნა იგზავნება info@shipnet.ge-ზე და დადასტურების შემდეგ თანხა ბრუნდება იმავე ბარათზე 5–7 სამუშაო დღის განმავლობაში;
• დამუშავებულ შეკვეთებზე ბალანსიდან ჩამოჭრილი თანხა დაბრუნებას არ ექვემდებარება, რადგან მომსახურება უკვე გაწეულია;
• ტექნიკური შეცდომით ჩამოჭრილი თანხის შემთხვევაში, ShipNet.ge გამოიკვლევს შემთხვევას 3 სამუშაო დღის განმავლობაში და სრულად დააბრუნებს შესაბამის თანხას იმავე ბარათზე.

ShipNet.ge ამუშავებს მონაცემებს საქართველოს პერსონალური მონაცემების დაცვის კანონმდებლობის შესაბამისად.

• მონაცემები ინახება ევროპის ეკონომიკური სივრცის (EEA) ტერიტორიაზე განთავსებულ სერვერებზე;
• პერსონალური მონაცემები არ იყიდება და არ გადაეცემა მესამე მხარეებს მარკეტინგული მიზნებისთვის;
• მომხმარებლის მიერ პლატფორმაში ატვირთული მონაცემები ეკუთვნის შესაბამის მომხმარებელს;
• ShipNet.ge ამ მონაცემებს იყენებს მხოლოდ პლატფორმის ფუნქციონირების უზრუნველსაყოფად;
• მომხმარებელი პასუხისმგებელია მის მიერ შეყვანილი მონაცემების სიზუსტეზე და კანონიერებაზე;
• მესამე მხარის სერვისების გამოყენების შემთხვევაში (მათ შორის SMS გაგზავნა), მომხმარებელი პასუხისმგებელია შესაბამისი პირებისგან კომუნიკაციისთვის საჭირო თანხმობის მიღებაზე.

• ShipNet.ge პასუხისმგებელია მხოლოდ პლატფორმის ტექნიკურ ფუნქციონირებაზე;
• კომპანია არ არის პასუხისმგებელი მომხმარებლების (კომპანიების, კურიერების, მერჩანტების) ქმედებებზე;
• ShipNet.ge-ის მაქსიმალური პასუხისმგებლობა შემოიფარგლება ბოლო 3 თვის განმავლობაში გადახდილი მომსახურების საფასურის ოდენობით;

დამატებით:

• ShipNet.ge არ იძლევა გარანტიას პლატფორმის უწყვეტ და შეუფერხებელ მუშაობაზე;
• ShipNet.ge არ არის პასუხისმგებელი მონაცემების დაკარგვაზე ან დაზიანებაზე, თუ ეს გამოწვეულია მომხმარებლის ან მესამე მხარის ქმედებით;
• ფორსმაჟორული გარემოებები (ბუნებრივი კატასტროფები, ინტერნეტის შეფერხება, კიბერშეტევები და სხვ.) გამორიცხავს პასუხისმგებლობას;
• მომხმარებელი (კომპანია) ვალდებულია აანაზღაუროს და დაიცვას ShipNet.ge ნებისმიერი ზიანის, პრეტენზიის ან სამართლებრივი დავისგან, რომელიც წარმოიშობა მისი ან მისი მომხმარებლების ქმედებების შედეგად.

• მომხმარებელს შეუძლია ნებისმიერ დროს შეწყვიტოს პლატფორმის გამოყენება —  Pay-per-Order მოდელის გამო ფიქსირებული გამოწერა არ არსებობს და  შეწყვეტისთვის ცალკე ვადა არ მოქმედებს;
• ანგარიშის გაუქმება შესაძლებელია info@shipnet.ge-ზე მოთხოვნის გაგზავნით ან პირადი დაშბორდიდან;
• ანგარიშის წაშლის შემდეგ, გამოუყენებელი ბალანსის დაბრუნება ხდება  წინამდებარე წესების მე-5 მუხლის შესაბამისად;
• ანგარიშის წაშლის შემდეგ, მომხმარებლის მონაცემები ინახება 30 კალენდარული დღის განმავლობაში სარეზერვო მიზნებით, რის შემდეგაც სრულად იშლება სისტემიდან;
• თანხის დაბრუნების მოთხოვნისთვის გამოგვიგზავნეთ წერილი ელფოსტაზე info@shipnet.ge შემდეგი ინფორმაციით: კომპანიის დასახელება, საიდენტიფიკაციო კოდი, ანგარიშის ელფოსტა, მოთხოვნილი თანხა, გადახდის თარიღი და დაბრუნების მიზეზი.

ShipNet.ge პლატფორმა, მათ შორის დიზაინი, კოდი, ლოგო, ტექსტი და ფუნქციონალი, წარმოადგენს კომპანიის ინტელექტუალურ საკუთრებას.

• პლატფორმის კოდის კოპირება, დეკომპილაცია ან reverse engineering მკაცრად აკრძალულია.

• ნებისმიერი დავა წყდება მოლაპარაკების გზით;
• დავის გადაუჭრელობის შემთხვევაში, საქმე განიხილება საქართველოს კანონმდებლობის შესაბამისად, თბილისის სასამართლოში.

• ელ-ფოსტა: info@shipnet.ge
• ტელეფონი: +995 557 37 80 36
• ვებსაიტი: shipnet.ge
• კომპანია: შპს „ქლოუდტივი.ჯი",
• ს/ნ: 446757563